Góðan daginn !!!!

Rockstar á morgun !!!!!

2006-11-29T16:59:00.000Z

Bara leika mér að henda inn einu svona bloggi, heitir það ekki blogg ennþá hehehe.

Ég er að byrja í próflestri er ekki alveg að meika það, langar bara að vera í skóla, ekki vinna, og engin próf, er það hægt eða ?

Mamma bauð mér á Rockstar tónleikana á morgun, og svo vann ég tvo miða á rockstar hjá Spron. Þannig ég sit uppi með 3 miða. vúbídú...

Ætli þetta verði ekki bara 12 ára smápíkur, er ekki alveg að kaupa það að vera nær mömmu í aldri en öðrum áhorfendum. En meina, er að fara til þess að sjá HÚSBANDIÐ, sem er fokking geðveikt flott.

Inga og Tobba eru að fara á Lay Low í kvöld, ég myndi nú ekkert hata það að fara á tónleikana með henni. Ótrúlega fær söngkona þar á ferð. En þið hafið það bara gott.

Over and out
Beggs

Jæja, long time long see

2006-06-28T22:12:00.000Z

Ætlaði bara að henda inn nokkrum línum og tékka hvort þetta blogg virkaði ennþá. Hef ekkert að segja í bili. Fyrir utan að ég er EKKI Á HRÓARSKELDU. Bara svona ef þið voruð í fokking vafa

6 dagar í LONDON

2005-03-16T16:25:00.000Z

Það eru einungis 6dagar í að ég verð stödd út í LONDON, að sötra bjór á einhverjum góðum pöbb. Ég hlakka mikið til að komast í páskafrí sem hefst á föstudaginn nk. Skólinn byrjar ekki aftur fyrr en miðvikudaginn 30.mars og man ég ekki eftir svona löngu páskafríi.

FB er komið í úrslit í MORFÍS, þeir komust þangað eftir mikla spennu í keppni við Menntaskólann í Reykjavík. Unnum þar með 151stiga mun og varð Guðjón Heiðar Valgarðsson ræðumaður kvöldsins. Og getum því borið höfuð hátt sem FB-ingar.

Eftir miklar vangaveltur um dagsetningu á úrslitunum þá varð mánudagurinn 4.apríl fyrir valinu. Keppnin hefst kl 20:00 í Háskólabíó og hvet ég alla til þess að mæta og styðja FB-inga.

Annars er ég bara að drepast úr túrverkjum eins og gengur og gerist mánaðarlega hjá mér :)

Ég er búin að vera föst á khi.is síðunni því ég stefni á að sækja um kennó í haust ef allt gengur vel í skólanum. (sem mun gerast)

Bjórkvöld á morgun fyrir þá sem langar að skvetta úr klaufunum á gamla L.A café, og mun ónefndur dj. leika fyrir dansi.

Kveðja
Begga

Crazy Föstudagur

2005-03-11T15:47:00.000Z

Já það má með sanni segja að allt er að gerast. Má nefna
Ási á afmæli (til hamingju ástin mín)
Tobba að fara syngja fyrir framan 2.000manns í egilshöll(gangi þér vel, mundu vera bara róleg)
Idolpartý dauðans heima hjá mér(meðal gesta eru ég, mamma, Vignir, Siggi, Jói, Sigrún, Sunna, Brynjar, Agnes og vinkona hennar)
Allir (næstum því) sem ég þekki eru að fara út á lífið úje baby

Síðar í kvöld verður síðan kíkt á Celtic Cross, er farin að sakna hans pínu því ekki fór ég út á laugardagskvöldið síðasta vegna slæmrar heilsu. úffff erfiður laugardagur þann. Síðan ætla ég ekki á boomkikcer, fólk sem sér mig í bænum á leið þangað viljið þið gjöra svo vel að pikka í mig og þrykkja mér aftur á bak. Þakka pent.

Ég keypti mér kort í ræktinni í vikunni, og varð staðurinn Nautilius fyrir valinu, hagstætt fyrir námsmenn. Og má eg sjá strax árangur því hef ég misst 1kg í þessari viku. Vá hvað ég er stolt af sjálfri mér :) Og þurfti ég því almennilega íþróttaskó og fór í Intersport, og seldi gaurinn þar mér flotta, mjög góða Nike skó og kostuðu þeir mig 9.900kr. En hún Margrét var svo yndisleg hún var að vinna og fékk ég skóna á 7.900kr. Takk Margrét mín :)

En nú er bara um að koma sér í sturtu og koma mér að hitta Tobbu, hún var að biðja mig að hjalpa sér að velja föt fyrir kvöldið. Hehe biðja mig að velja föt hehe. Svo er ekkert annað en að hita upp fyrir kvöldið með að fá sér bjór og grillkjöt ala Vignir.

Sé ykkur á djamminu :)

Margt og mikið

2005-03-09T19:34:00.000Z

Lífið hefur nú gengið bara sinn vanagang. Ég er búin að vera orkulaus og þreytt undanfarið, þannig að ég skellti mér út í apótek og splæsti í almennilegt vítamín. Það styttist óðum að ég fari til London og eru aðeins 13 dagar í að ég fari. Ég veit fátt skemmtilegra en að chilla í Leifstöð með bjór í hönd á leið til útlanda. Ég einmitt fékk tónleikamiðann í dag í pósti og geng ég um dyr 3, stalls H, row 7 og number 23. Hvað sem svo þetta þýðir því ekki hef ég komið í þessa tónleikahöll :)

Helgin er að nálgast og vá hvað er eitthvað mikið að gerast jesús. En Idol-partý heima hja mér verður fyrir valinu, og mun síðan leið mín liggja niður í bæ. Því ég held að hver einasti reykvíkingur sé á leiðinni á djammið.

Berglind litla var 23daga gömul í dag og heilsast henni bara fanta vel sem er gottttttttttt.

Í kvöld er american next topmodel og má segja að það ríkil mikil spenna. Einnig er gettu betur í gangi og er viðureignin milli Borgó-MS, og vonum við nú öll að Borgó sigri . (fyrir hana sunnu mína)

Uuu.... já alltaf er jafn mikið að læra og ætti ég kanski að fara glugga í bókina Slaughterhouse five. Því ég fer í próf í henni á föstudaginn :(

Já lifið bara vel og lengi húrra húrra húrra.
Kveðja
Begga

2005-02-28T17:14:00.001Z

Helgin var bæði frábær og óheppileg

2005-02-28T17:14:00.000Z

Föstudagurinn var bara með ágætum, ég byrjaði að sötra öl hér heima og var sannkölluð Idolstemning hér. Ási, Tobba, Jói, Sigrún og hin Sigrún kíktu í heimsókn ásamt þeim voru mamma og Vignir. Eftir Idolið (ósátt að Heiða skildi ekki detta út) fórum við til Hermanns í Garða-fokking-bæinn, og var það mjög fínt. Fórum þaðan niður í bæ á Celtic-inn, og eitthvað man ekki alveg. Alla vega man ég þegar við vorum að fara heim úr bænum fór Tobba í Rauðagerðið og sendi mig heim til sín, þar sem ég óð inn með lykil, fór upp stigana upp á aðra hæð, lét þar pening og lykil á borðið og skaust aftur út. Mér leið eins og innbrjótsþjóf, ég hefði dáið hefðu foreldrar hennar Tobbu vaknað og bara "Begga hvað ertu að gera" og tobba ekki einu sinni heima. JESÚS.

Á laugardeginum skellti ég mér austur fyrir fjall, alla leið undir Eyjafjöll. Ég fór í heimsókn til litlu frænku minnar sem var eignast litla prinsessu. Og var stórkostlegt að komast aðeins útúr bænum og chilla, ég var samt með hnút í maganum að vera ekki á djamminu. Það segir kanski eitthvað til um hve mikið og oft ég djamma. En síðan á sunnudeginum hélt ég á litlu prinsessunni undir skírn og vitiði hvað ég er svo spennt hún var skírð í höfuðið á mér. Hún heitir ÁSDÍS BERGLIND JÁ, hún Marta frænka mín, hún elskar mig svo mikið að hún skírði barnið sitt í höfuðið á mér. Jibbý, ég er svo stolt, Elsku Marta takk æðislega, besta sem hefur komið fyrir mig í lífinu... Love you Marta og Begga litla :)

Síðan lagði ég alsæl af stað frá Eyjafjöllum í gær sunnudag, og var enginn umferð í bæinn, en þá stoppaði Selfoss-löggan mig á 115km hraða og var ég sektuð um 20.000kr og fæ einn umferðarpunkt :( djöfull, en hþað verður að hafa það.

Síðan er ég komin með einhverja helvítis pest, já er bara að drukkna úr kvefi og hálsbólgu, þannig hugsið vel um mig þannig að mér batni.

Love you bæjó
Begga...

London i´m coming

2005-02-22T19:05:00.000Z

Já, ég er að fara skella mér til London 22.mars, djöfull hlakka ég til. Mín ætlar að eyða páskunum með bjór í hönd í Englandi. Á skírdag mun svo leið mín liggja í tónleikahöllina Royal Albert Hall að sjá enga aðra en Stuðmenn. Já, mér finnst Stuðmenn geggjaðir á balli þó ekki séu margir sammála mér. Tobba er kanski ekki alveg sammála mér, hún á í rauninni ekki orð haha. En það er hennar missir. Alla vega í mínum hugarheimi, kanski er þetta bara geðveiki í mér. NEEEEIIIII, mér hlakkar geggjað til, svo eru náttla þrír aðrir dagar, sem ég ætla að nýta í tætlur.

Svo fer að koma að því að ég panti mér miða á Hróarskeldu, úje baby. Hún er fyrstu helgina í Júlí og á ég afmæli á laugardeginum 2.júlí, svo að það verður gegggggjað.

já nóg að gera úffff....

bæjó

Jú halló halló

2005-02-22T01:18:00.000Z

Já, það má með sanni segja að það sé búið að vera fokking alltof mikið að gera hjá mér. Svona í aðalatriðum er ég búin að vera skipuleggja árshátíð FB, og er niðurstaða komin að hún verður haldin á Selfossi 3.mars og munu Papar og Svitabandið leika fyrir gesti.

Ég eignaðist litla ótrúlega sæta frænku á valentínusardaginn, hún er algjört krútt og afsannar þá kenningu sem margir halda fram að öll börn séu ljót þegar þau eru nýfædd. En alla vega Marta frænka til hamingju með litlu dúlluna þína.

Um helgina var ekki frásögu færandi að ég skellti mér út á lífið. Á föstudagskvöldið þá var ég að vinna og skellti mér svo beint á aðalsbjórkvöld FB á 22. Það var bara heavy gaman, þegar ég mætti voru allir orðnir fullir þannig ég þurfti að byrja á því að drekka hratt. Ég byrjaði að drekka bjórinn á ógnarhraða, mér fannst það ekki nægja þannig ég fór því í tekílað(hefði látið það vera)
Eftir það var ekki aftur snúið, ég hef ekki verið jafn full síðan uuu.... ég veit það ekki, ég hef held ég adlrei verið jafn full. Endaði því miður á Boomkicker en alla vega má með sanni segja að kvöldið hafi endað á furðulegan hátt, og mætti í vinnuna eftir um 1/2 tíma svefn. Úfff.... erfiðasti dagur í heimi í vinnunni.

Á laugardeginum var ég sú þynnsta hérna megin við miðbaug. Ég staulaðist heim úr vinnunni og skellti mér í ótrúlega góða sturtu og svo beint í bólið. Vaknaði um 21 leytið og dröslaði mer á lappir því það var innflutningspartý hjá Tobbu og Ingu. Já Þorbjörg til hamingju með nýja húsnæðið þitt. RAUÐAGERÐI 60. Ég átti erfitt með fyrstu bjórana, en það gekk þó ágætlega. Ég skellti mér á Gay-ball með Ása, Agnesi, Dagnýju, Hemma, Hildi og Regínu. Það var ágætt, síðan var rölt á Celtic að hitta mjög drukkna manneskju sem heitir Þorbjörg, og hef ég sjaldan séð hana í þessu ásigkomulagi, en hún skemmti sér konunglega þannig það er fyrir öllu. Þá rölti ég á ölstofuna, Nellýs, Café cosý svo lá leið í leigubíl.

Ég seldi grimmt af klósettpappír, rækjum og fleira. Og var ég alveg hæst ánægð, þangað til að ég tók að mér að keyra þetta heim til fólks, sérstaklega þessar gaddfreðnu risarækjur ójbara. Skil ekki af hverju fólk vill hafa rækjurnar sínar svona stórar.
En ég þakka öllum þeim sem studdu mig og keyptu af mér hluti eða hjálpuðu að selja fyrir mig.

Núna á ég að vera lesa undir próf, en af hverju er ég ekki að gera það, akkuru, akkuru. Jú ég reyni að finna allt í heiminum til þess að sleppa við að læra :)

En kæru landsmenn, ef einhverir eru eftir sem lesa þessa síðu því að ekki er ég sú duglegasta að skrifa.
Þá bið ég að heilsa í bili
Bæjó :)

2005-02-03T23:20:00.000Z

Þessi janúarmánuður er nú búinn að þróast bara svona ágætlega. Ég er eiginlega búin að vera bara mest með áfengi í hönd og koma víða við. Stefnt er að því að fara til Vestmanneyjar næstu helgi og verður eyjan skrautleg með 60 FB-ingum.PLEASE EKKI GERA NEITT AF YKKUR

Ég horfði á Idolið áðan "edrú" þar sem ég var í vinnunni og fannst mér þau bara fanta góð. Ég var bara mjög sátt að hún Brynja litla hafi dottið út, en ég hefði þó viljað að Heiða dytti út það er eitthvað við hana sem pirrar mig.

Oh, ég veit ekki hvort ég eigi að láta eftir mér að fara út í kvöld þar sem ég er að vinna til miðnættis og á að mæta í vinnuna stundvíslega kl 07:45 en það reddast.

Ég var að tala við Reyni sem er mér í nemendaráði NFB áðan og hann er mjög sérstakur strákur. Hann gengur sífellt framm af manni og er ekkert sem kemur manni á óvart svo sem. Eða maður spyr sig.
Alla vega þá held ég að hann fylgist ekki alveg með því sem er að gerast svona almennt. Því hann er hrifinn af ákveðinni stelpu í FB sem á reyndar kærasta. En við vorum að spá hvort við ættum ekki bara að láta þennan dreng hverfa í eyjum. Þá kom hann með þá hugmynd að láta Keikó gleypa hann. Hhmmmmm......... Reynir minn Keikó er sko dáinn, og hef ég aldrei heyrt í jafn hissum manni.

En svo á morgun er afmælið hans Hlynsa, kallinn orðinn 20ára, og getur loksins rölt með inn á Celtic án þess að vera með pípandi niðurgang um að vera spurður um skilríki.

Hlynur til lukku með afmælið

kveðja Beggga.

Fjáröflun til útskriftar Berglindar Óskar 2005

2005-02-01T19:30:00.000Z

WC-gæðapappír:
48rúllur í pakka á 2500kr

Eldhúspappír:
24rúllur í pakka á 2200kr

Eldhúspakki:
Mikró tuska 1stk
Uppþvottabursti 1stk
Uppþvottalögur 1stk
Viskastykki 3stk
=2200kr

3ja brúsa pakki:
Hægt að velja 3 af eftirtöldu
Gólfhreinsir 1.L
Baðhreinsir 1.L
Glerúði 0,5L
Fituleysir 1.L
=2200kr

Rækjur
Glæsilegar vestfirskar úthafsrækjur af bestu gerð
2kg
=2600kr

Nánari upplýsingar og pantanir í síma 660-5727

Kommmma svo :)

Góðir landsmenn !!!!!!

2005-01-10T15:51:00.000Z

Jæja, það er nú meira hvað ég er eitthvað löt við að blogga.

En gamlárskvöld er nú búið og tókst það bara með ágætum. Þrátt fyrir að ömurlegasta áramótaskaup sem ég hef séð, þá virðist landinn ekki alveg sammála mér. Ég skil ekki að fólk hafi í alvöru fundist þetta fyndið, JESÚS. Það reyndar skiptir miklu máli að mínu mati með hverjum maður horfir á skaupið. Ég náttúrulega horfði á það m.a með fólki sem er búið að búa úti í svíþjóð í tíu ár, og skildu þau ekki upp né niður í neinu. En ég er alla vega mjög bitur út í skaupið og hana nú.

Uuu.... skólinn er byrjaður og í skólanum í dag fannst mér einhvern veginn að ég hefði bara verið í helgarfríi en ekki fimm vikna jólafríi. Ég er samt svo spennt, því ég er að fara útskrifast, jú mikið rétt BERGLIND ÓSK GUÐMUNDSDÓTTIR er að fara klára FB. Þó að það hafi tekið einungis 25ár þá er þetta komið loksins. Ég er líka mjög sátt að ég hef aðeins 14 einingar í stundatöflunni þannig ég nógan tíma til að gera eitthvað annað.

Er að spá í að fara í kennó í haust, sækja um bæði í RVK og akureyri til að eiga betri möguleika, en það er eins gott að ég komist inn í RVK. Hvað ætti ég að gera á akureyri, hanga á rónapöbbum með skólabækurnar. Því ekki þekki ég neinn á akureyri, akureyri ullabjakk. Var samt að fatta að hún Sigrún býr þar og er yndisleg stelpa og gæti ég kanski fengið að chilla með henni þ.e.a.s ef hún fengi borgað frá hinu opinbera fyrir að hanga með mér. Nei nei segi svona mér langar bara ekkert til akureyrar, hef heyrt að það sökki alla vega frá henni sunnu tunnu. PLÍS góði guð láttu mig komast inn í Reykjavík.

Ohh, mér langar svo til útlanda. Tobba og Sigrún eru að fara til kongsens kobenhavn á miðvikudaginn og langar mér svo geðveikt með ég er að fokkin deyja. EN það verður að bíða til betri tíma því skólinn verður að ganga fyrir og auðvitað ég engann pening eftir desembermánuð. En ég mun því bara fara í sumar, ætla mér á hróarskeldu ohh ég hlakka svo til, og svo eitthvað annað líka.

Ef það er einhver sem vill gefa mér peninga, bara svona eru ríkir eftir jólavinnuna þá tek ég við frjálsum framlögum í síma 660-5727

NÁT 1236, er áfangi í FB sem allir FB-ingar hræðast við að falla í. Flott Begga, tökum hann bara á útskriftarönninni til þess einungis að hafa blæðandi magasár yfir honum. En það eru samt góðar fréttir, það er búið að létta áfangann því hann þótti of strembinn. Einnig er búið að ráða nýjan kennara sem ég hitti í dag og finnst mér hann bara frábær. Mjög rólegur 26ára drengur, og fæ ég á tilfinninguna að ég sé búin að vera aðeins of lengi í skólanum þegar kennararnir eru að verða jafnaldrar mér, en það er bara skrítið. Einkennilegt ef maður væri t.d á Celtic eða boomkicker og myndi hitta kennara sinn.

Já já, þið eruð bara svona hress. Ég er reyndar ekki alveg nógu hress með þennan kulda sem er búinn að vera hér á klakanum undanfarið. Ég er komin með einhverja kulda-þurrku bletti í framan og finnst mér ég vera að missa nefið það er svo þurrt, og mér svo íllt í því. En vonum bara að þetta ógeðslega feita krem sem ég fékk við þessu geti bjargað því. Vill helst halda nefinu ef það er í boði, annars tek ég bara á því vandamáli.

Ég nú samt farin að kvíða fyrir hversu ógeðslega mikið verður að gera í þessu fjandans félagslífi á þessari önn. Það er eins gott að það taki ekki of mikinn tíma frá náminu þá verð ég crazy. En ég bauð mig fram í formannsjobbið og verð að reyna standa mig.

Jæja, bið að heilsa ykkur að sinni og lifið heil.

Kveðja Begga (sem langar svo til útlanda) :(

Gamlárskvöld að koma !!!!!

2004-12-30T02:44:00.000Z

Já, það má segja að það hafi verið mikið að gera hjá mér í desember. Mikil vinna og djammmm. Jólin voru frábær og óska ég öllum gleðileg jól. Ég fékk mjög góðar gjafir, frá mömmu og Vigni fékk ég geðveikt rúm og silkirúmföt. Frá Sigga bróður fékk ég DVD spilara sem er ekkert annað en snilld. Ég fékk ógeðslega flottan jakka frá Sunnu og Ása og bol sem ég kom tæplega yfir brjóstin á mér. Fékk lúxus sokka og hitapoka frá Heiðu minni og tösku frá Vigdísi og svo margt margt fleira. Þannig ég þakka fyrir mig.

Ég er farin að hlakka mikið til gamlárskvölds, og vona ég innilega að það verði geðveikt gaman. En yfirleitt þá misheppnast þau og verða bara vesen, allir að rífast og eitthvað. En í ár ætla ég að hafa gaman þrátt fyrir það að Sunna mín sé að láta landsbyggðardrauma sína rætast. Ási ætlar að vinna, bað um það hhhmmm.... ekki gott þetta Ási. En ég byrja á því að vera heima því það er matarboð hér heima með systur hennar mömmu og börnunum hennar og mökum, þannig þetta verður 14 manna matarboð. Það er mikið af hressu fólki í ættinni minni þannig ég býð spennt að djamma með þeim. En maður getur nú ekki einungis verið með fjölskyldunni á áramótunum, maður verður að hitta alla þessa skemmtulegu vini sem maður á.

Ég ætla að skella mér í áramótapartý hjá Ingu og Dóru, það verður án efa eitthvað athyglisvert og skemmtilegt. Einnig verður djammað með Hemma og Hildi, og fleirum og fleirum. Mér langar að sameina alla þá sem mér langar að hitta undir sama þak. En þar sem það er enginn möguleiki á því þá reyni ég bara að hitta sem flesta.

Ég hef það að markmiði að koma ekki heim fyrr en daginn eftir. Skemmtilegt markmið það en maður spyr sig......

Svo eru Nýársdagur auðvitað á laugardegi þannig að nýárskvöld verður tekið með trompi nema að ofurmikil þynnka hindri það.

En jæja, ég verð að fara drífa mig í ból, þar sem ég er að fara vinna kl 07:45 í fyrramálið og er ég ekki búin að mæta sú hressasta í síðustu skipti.

En vonast til að hitta ykkur öll á gamlárskvöld, þannig lifið heil þangað til

Bæjó

Begga

Gamlárskvöld að koma

2004-12-30T02:31:00.000Z

Pósturinn Begga

2004-12-13T23:39:00.000Z

Jú komið þið sæl !!!!!!

Það er búið að vera svo geðveikt að gera að enginn tími hefur gefist til þess að blogga. Ég byrjaði í póstinum fyrir um viku síðan, og þetta er bara helvíti gaman. Ef þið þurfið að rata á svæði 108Reykjavík, þá bara að hringja í Beggu sína og ég get vísað ykkur leiðina :)

Uuuu.. eins og þeir sem þekkja mig þá skellti ég mér á djammið um helgina, hmm... kemur á óvart eða ekki eða. Á föstudaginn þá var mín að vinna hjá póstinum og skelllti mér beint heim í sturtu. Þaðan lá leiðin til hans elskulega Ása míns, og drukkum við þar nokkra, ási þó fleiri og skelltum okkur á Jón forseta. Þar hittum við han Hemma babe, og síðan komu Tobba og Inga að hitta okkur. Það var ófár kvenpeningurinn sem reyndi að ná athygli hennar Ingu og má segja að Inga hafi nú ekki slegið á móti hehe. Svo var tekinn gamli rúnturinn þ.e.a.s Celtic Cross, ég fokkin elska að vera þarna inni. Þegar búið var að henda okkur þaðan út, þá fórum við á Boomkicker, jú jú ennþá enda ég þar þrátt fyrir að ég ætlaði ekki þangað. Svo var tekinn leigubíll heim og farið að sofa um morguninn, mætti ÓFERSK í vinnuna á sambýlinu.

Laugardagurinn var að mestu óráðinn nema ég hafði ákveðið að fara á djammið HA? jú jú mikið rétt. Ég fór í partý til Hildar vinkonu Hemma á Tungötu, þangað tók ég með mér Hildi babe(höfum ekki djammað saman í nokkra áratugi) og Ása. Við drukkum og töluðum svo mikið að það var ekki haldið í bæinn fyrr en kl 2:30. Þá skelltum við okkur á Jón forseta, en fórum þó fljótt þaðan, komum við á prikinu og hittum Ingvar og fullt, fullt, fullt af strákum újé. En ég fékk fljótt heimþrá á Celtic, þannig ég skundaði þangað ætlaði bara að kíkja í nokkrar mín en það endaði að ég hringdi í hildi og bað hana að koma þangað. Hrefna tók lagið með honum Jóa færeyjing upp á sviði og var því tími kominn fyrir boomkikcer, þrátt fyrir ítrekaðar tilraunir að sleppa því. Eftir hann reyndum við látlaust að redda okkur partýi því við erum byttur en það gekk þó ekki eftir :( sem var kanski ágætt eftir allt saman.

Eftir þessa blessuðu helgi þá týndi ég tvennum lyklakippum(einni á föstudaginn og einni á laugardaginn) og vísakortinu mínu. Já þar sem ég geng ekki með veski á mér þá endar þetta oft á þennan veg.

En ég þó búin að fá þetta allt aftur í hendurnar, því betur fer því ekki get ég sagt að mamma hafi verið stolt af mér að koma heim tvo morgna í röð og þurfa að vekja hana.

Úfff..... einkunnirnar eru á morgun og er ég lang hræddust við Stæ 1224 ó mæ gad, en vonum það besta, við stöndum saman í þessari baráttu er þaggi ?

En ég er farin að lúlla þar sem vinnudagur í póstinum er á morgun, og ef ég enda að dreifa pökkum í hafnafirði, þá er ekkert víst að þið sjáið mig aftur........

Bæ bæ

Begga Póstur

Prófin taka engan enda !!!!!!!!!!!!

2004-12-02T01:34:00.000Z

Ég hef komið með þær yfirlýsingar að ég sé búin í prófum. Eða svona næstum því, ég á eftir að fara í samræmt stúdentspróf í Íslensku. En þar sem ekki er ætlast til að maður geti lært undir það þá er ég búin í prófum sem þarf að læra fyrir. Já og gott betur en það því ég er búin að fá mér bjór og halda upp á það. En Guðbjörn enskukennari er ekki alveg á sömu nótunum. Honum finnst ekki gott að ég geti verið búin í prófum. Ég er í símatsáfanga hjá honum í ensku og er búin að ná öllum prófum yfir önnina, en því að ég var með 10,5 punkta hjá honum þá ætlar hann að senda mig í lokapróf í áfanganum. Ég er sko ekki par ánægð með þessa framkomu hjá helv...... Guðbirni. Hann kann í alvöru ekki mannleg samskipti og neitar að viðurkenna mistök sín í þessu máli, því hann lét okkur fá gamla námsáætlun sem stendur að við þurfum ekki að taka lokapróf ef við erum undir 12punktum.

En staðreyndin er sú að ég fer í lokapróf á föstudaginn. Og vil ég bara hér með þakka Guðbirni enskukennar fyrir það.

Frænka mín "dóttir systur mömmu" er ekki alveg í lagi held ég. Eins og ég öfunda hana og finnst frábært hve mikið hún hefur ferðast. En held að ég ætti nú að benda henni á hvaða staði maður ætti helst ekkert að vera fara á. Hún er t.d að vinna í Bagdad, ó já hún er bara að chilla í einhverju bókhaldaravinnu í miðri Bagdad. Hún ætlar að koma heim fyrir jólin og ætlar að fljúga frá Bagdad 22.des, en þar sem flugvellinum þar er stundum lokað vegna hættu þá er ekki víst að hún komist heim um jólin. Og eitt sem er verra að hún gæti ekki útskýrt það fyrir móður sinni því mamma hennar veit ekki að hún er að vinna í Bagdad. Þannig hún var að spá í hjóla til Ammond sem er bær þarna í írak (það tekur klukkutíma að fljúga þangað) og þyrfti hún þá að hjóla í gegnum Fulluja sem er hættulegasta borg til að vera í nú á dögum. Hún þarf einmitt að fara í skothelt vesti þegar hún fer í og úr vinnunni, og var sprengdur veitingastaður sem hún var á aðeins tveimur klukkutímum eftir að hún yfirgaf hann. Já hún lifir á ystu nöf. Ég er nú bara orðin skíthrædd um hana þarna úti.. En hún fær miljón á mánuði skattfrjálst, og það er ástæða veru hennar þar.

Annars er mér farið að hlakka ískyggilega til næstu helgar. Þar sem ég hef verið edrú tvær helgar í röð þá er líkaminn farinn að öskra hreinlega eftir almennilegu "Celtic, boomkicker djammi") En stefnan er tekin þangað næstu helgi.

Sigrún er að koma frá Akureyri eftir nokkrar vikur(daga) og fullyrti hún við mig að hún væri komin til Reykjavíkur að bæta upp "edrúferðina" sem hún kom hingað ekki fyrir svo löngu. En alltaf gaman þegar Sigrún kemur í bæinn.

Mér gekk bara ágætlega í þeim prófum sem ég er búin með, og er bjartsýn á framhaldið, það alla vega þýðir ekki minna....

Bless bless
Kveðja Begga

Prófin að koma

2004-11-25T23:16:00.000Z

Seinasta vika fyrir próf er alltaf hell fyrir mig. Þá er ég að reyna bjarga þeim áföngum sem ég er búin að vera að tossast í. T.d í þessari viku er ég búin að þurfa skila tveim sögu ritgerðum (báðar
10 bls) tvö sögupróf, tvö enskupróf, eitt stafsetningarpróf og einhver verkefni. Hættulegustu orð skólagöngu minnar eru "er í lagi að ég fái smá frest aðeins" maður fær það alltaf í hausinn til baka. En ég hef alla vega staðist þessa viku þar sem seinasta prófið er á morgun. Þá er skólinn búinn, er fólk að grínast ég er nýbyrjuð á þessari önn. En svona er lífið, flýgur í burtu.

Ég er yfirleitt stressaðasta manneskja í heimi fyrir próf en ég skil ekki fyrir þessi jólapróf er ég ekkert stressuð hhhmmm....... Það er ekki góð tilfinning.

Það er stórhættulegt að vera með Hlyn og Hrefnu í tíma. Ég hló næstum stanslaust í 80mínótur í dag og var Hr. Sæmundur ekki sérstaklega ánægður með okkur. En þau bjarga hreinlega þessum áfanga fyrir mér. Því að þetta er leiðinlegasti áfangi sem ég hef tekið í F.B og má segja að ég hafi reynslu því mér líður eins og ég hafi verið þarna frá 1991.

Mér finnast veðurfréttir ekki skemmtilegar en ég svona kíkti á þær í gærkvöldi. Okey "Siggi stormur" er ófyndnsti maður sjónvarpssögunnar. Ég ætla að skrifa hér einn brandara sem hann sagði í beinni útsendingu.

Siggi stormur: Heyrðu Hafnfirðingar sváfu bara ekkert í nótt
Ísl í dag fólkið: Nú hvað var í gangi
Siggi stormur:Þegar ég sagði í gær að það yrði fljúgandi hálka þegar líða tæki á kvöldið, þá biðu allir hafnfirðingar úti í glugga og biðu eftir að þeir sæju fljúgandi hálku.

Já ég er ekki að grínast, þennan brandara sagði Siggi Stormur.......... En jæja, kanski að einhverju fólki finnist þetta fyndið, t.d afa og ömmu minni sem heyrðu kanski bara annað hvert orð vegna kölkunar og fannst fyndið hvernig hann talaði hikstandi. Eða ég veit ekki, maður spyr sig sko .....

Ég er komin með aukavinnu í Desember í póstinum að keyra út pakka. Ég verð svona einhvers konar Jólasveinn. Það er aldrei að vita nema maður nappi einum og einum pakka.

En já þetta er önnur helgin í röð sem ég verð edrú, og er þetta nú orðið ansi skrítið. Ég er komin með heimþrá af boomkikcer, starfsmenn Celtic Cross eru búin að tilkynna andlát mitt. En ég leiðrétti það nú helgina 3-5 desember því þá er ég búin í prófum.

krkrkakrk.......... Verð að rjúfa útsendingu, Þorbjörg Jónsdóttir var að hringja og við erum á leiðinni á Búálfinn vei vei vei, það verður bara einn bjór ég lofa, ég lofa. Ég er svo spennt. Ég á skilið að fá bjór eftir allan þennan dugnað í vikunni. Bæði skólalega séð og edrúlega séð.....

Jæja við sjáumst.
(Bara að láta ykkur vita að ég stunda ekki búálfinn það er bara búið að loka BIG BEN, þannig eitthvað verður maður að gera)

Kveðja Begga

Ekki kanski virkasti bloggarinn :)

2004-11-18T00:29:00.001Z

Seinasta helgi var bara nokkuð góð. Á föstudaginn skellti ég mér í bæinn með henni Þórdísi Nadíu og fórum við að hitta bróður minn sem ég hef aldrei séð jafn ölvaðann og yfirmann hans. Mér fannst hálfleiðinlegt að hafa verið að draga Nadíu með mér að hitta þá þar sem yfirmaður bróður míns var sífellt að áreita hana, þrátt fyrir að hún segðist vera lesbía. Fórum af Dubliners og beint yfir götuna á boomkicker, ó já Boomkicker lifir. En vorum þar um kl 5 þannig það var enginn þar, því fasta fólkið (t.d eins og ég, tobba, nadía, hrefna og Bjöggi) mætir ekki þar fyrr en um 7 leytið hehe

Laugardagurinn var frábær, hittumst heima hjá Ása til að fagna komu Sunnu minnar þar sem hún var að flytja í bæinn frá hhmm.. Akureyri og duttum í það þar. Geggjað að Sunna sé flutt í bæinn, þrátt fyrir aðeins 2mánaða dvöl skil hana alveg að hafa gefist upp. Ási bauð mömmu minni í partýið heima hjá sér og hló ég í fyrstu, síðan hringdi dyrabjallan og hver streymdi upp stiganna. Uuuu..... Mamma ertu að grínast ? Neibb, haldiði að hún hafi bara ekki mætt í partýið. Það er eitthvað skrítið að vera með vinum sínum og mömmu. En hún var þó stutt og ódrukkin, annars hefði ég dáið. En hún þarf ekki áfengi til að skemmta sér ekki frekar en ég :)

Ég er búin að vera andvaka á nóttinni til kl 4 þrjá daga í röð, er orðin frekar pirruð og þreytt. Held að það sé kvíðinn að það sé aðeins ein og hálf vika eftir af skólanum og ég á eftir að gera svo ógeðslega mikið. En ég fer reyndar bara í þrjú próf og er búin 2.des Sweet

Það er jólahlaðborð í skólanum á morgun, jibbý. Það er alltaf ógeðslega gaman á því, þvílík stemning og cosý. Siðan um kvöldið er ekkert annað en seinasta Bjórkvöldið á klúbbnum á þessari önn. Og er þetta seinasta djamm fyrir próf, eða ég ætla að reyna það. Verð því miður þá að kveðja Celtic og Boomkicker í tvær helgar i will miss you :(

Held að aumingjas grunnskólabörnin geti farið að mæta núna almennilega í skólann, þar sem það lítur út fyrir að það sé verið að fara skrifa undir. Ég einmitt horfði á krakkanna labba í skólann í morgun í myrkri og snjókomu, og fann ég mjög mikið til með þessum greyjum.

Kíkið á síðuna hans Guðjóns hann er með mjög gott framtak þar kíkið endilega á það og skráið ykkur. Kann ekki að gera eitthvað svona dót þannig lítið bara á linkanna hér til hægri.

Kveðja Begga

2004-11-18T00:29:00.000Z

Flöskudagurinn hinn mikli

2004-11-12T09:57:00.000Z

Já í dag er merkisdagur og mikill gleðidagur. Sunna Hólm er búin að gefast upp á ömurlega akureyri. Hún er að flytja aftur í bæinn til Beggu sinnar. Ætla að plata hana á djamm í kvöld. Kanski 1)Celtic, 2)boomkicker, 3)hommapartý DJAMM, maður spyr sig.

Í kvöld er kvöldið óráðið þar sem það er jú flöskudagur en líka er þetta vinnudagurinn minn :( Er að vinna í kvöld og á að mæta í vinnuna kl 8 á laugardaginn. En ef ég þekki mig rétt stoppar ekkert mig í flöskumálum mmm... bjór.

Sigrún er líka að koma frá akureyri í helgarheimsókn, og ef ég þekki hana rétt þá mun hún vilja detta í það báða daganna :)

Hvað er eiginlega í gangi þarna á akureyri, allir að flýja í bæinn. Akureyri er hundleiðinlegur staður alla vega af því sem ég hef kynnst honum. Ég gæti ekki hugsað mér að búa út á landi í langann tíma. Ég yrði einhverf á því að hanga á minni stöðum en Reykjavík og ættu allir að vera orðnir meðvitaðir að það er best að búa í BREIÐHOLTINU.

Í Breiðholti er best að búa, ef þú gengur í skotheldu vesti, með hníf í vasanum þá ertu í góðum málum :)

Ghettóball NFB

2004-11-11T09:57:00.000Z

Ghettóball NFB var í gær og er ekki laus við að segja það að Paparnir slógu rækilega í gegn. Ég er ekki frá því að ég sé orðin svona 4 árum of gömul fyrir svona böll. En það er víst skylda mín að vera á þessum böllum og bera ábyrgð (formaður sjáðu til) hehe. Af hverju þá ekki að reyna skemmta sér, dansaði alveg fullt við Papana, ég á bara ekki orð yfir hversu góðir þeir eru á balli.

Leoncie, kom sá og klúðraði, hún er snargeðveik það þarf enginn að þræta fyrir það. Hún mæmaði öll lögin sín, og pikkaði ég í Viktor kallinn hennar og spurði hann hvort hún væri að mæma lögin. Nei, Nei, hún syngur sjálf, svo leit á sviðið og þá var mikrófónninn á gólfinu því hún hafði misst hann en samt dúndrandi söngur í hljóðkerfinu. Ég bara glotti og hristi hausinn og hann þessi ógeðslegi gæji ógeðslega vandræðalega, COME ON VIKTOR.... hehe

Nú fer að styttast í prófin :( aðeins tvær vikur í fyrsta próf. En maður verður að líta að björtu hliðina því að þá veit maður að það styttist í jólin líka Jibbý.... Enda aðeins 17dagar í fyrsti í aðventu.

Ég gleymdi að minnast á það að Leoncie kallaði Hlyn rasista og öllum íllum nöfnum því að hann fór og kvartaði í henni út af mæminu. Svo rauk helv... gellan út af gauknum í brjáluðu skapi.

En jæja, ég er farin að reyna að fylgjast með í sögu, held að Sæmundi sé ekkert sérstaklega vel við mig þar sem ég fylgist aldrei með.

bæbæ

Mánudagur :(

2004-11-08T12:14:00.000Z

Já bjórkvöldið var bara fanta skemmtilegt, og var ég komin alveg á snepplana undir lokin. Ætluðum í partý hjá skrítnum gaur í grafarvogi, en þegar þangað var komið þá var bara ekkert partý, takk Ragga hehe..

Á föstudaginn var Tobba í engu stuði til að djamma HA?, jú mikið rétt dömur mínar og herrar, Þorbjörg Jónsdóttir neitaði að vera mér til samlætis í bænum. En ég skellti mér bara í bæinn að hitta Hemma sæta, hann vildi djamma með mér. Ég kíkti á Celtic, ha? celtic jú jú, ég svona ákvað að kíkja þangað hef nefnilega aldrei farið þangað. Fórum á pravda, jón forseta, Nellýs(ojbara) og síðan á fólk að fara heim kl 7 en nei ekki ég.

Eins og alltaf endum við Hemmi í einhverjum ævintýrum. Hmmm... Endaði kl 8 í partý einhver staðar í miðbænum, flottasta hús sem ég hef komið inn í á Íslandi, næst flottasta er íbúðin hennar Ingu :) Þar voru einhverjir vinir hans Hemma, og þar á meðal Díana Omel, eitthvað svoleiðis. Ég vissi ekkert hver það var, hafði aldrei heyrt um hana þannig ég spurði fullt af mjög ljóskulegum spurningum, því umræðan í kringum hana voru svo furðulegar.

Ég blandaði svo ógeðslega mikið af víni saman og fékk ég að finna það á laugardaginn. Bjór, Baylis, rauðvín, gin í kók, tekíla og ........... rassgat. þunn frá helvíti.

Vaknaði á laugardeginum eins og morknaður úlfaldi í framan, var að deyja til kl svona 21, fór þá í partý með handboltastelpunum. Það var mjög skemmtilegt, en þær fóru allar á sálarball eða fokking SÓLON er fólk að grínast með að fara á þennan helvítis stað oj bara ullabjakk.

Kíkti á Celtic með tobbu og bjögga ha? já bara annar dagurinn í röð, aldrei gerst áður, og mig var farið að langa komast heim í bólið um svona 5 leytið, en þá var hún blessuð Þorbjörg ekki á sama máli. Ég og Bjöggi svoleiðis skriðum á eftir henni í bandi á skemmtistaði bæjarins meðan hún var í einhverju hösli. Tobba var vond við okkur Bjögga, sendi okkur að leita að vinum hennar á Palace, og við tuskutrunturnar hennar tobbu fórum á stað......

Fyndnasta atvik í heimi átti sér stað fyrir utan Nonna Bita, það var stelpa sem er 17ára FB-ingur sem lamdi 40ára kall í klessu. Hann átti það nú skilið var búinn að vera bögga þær þvílíkt lengi þangað til að hún fékk nóg. Greip í jakkann hans prílaði upp á kallinn og byrjaði að berja hann á fullu, það var svo fyndið þegar hún var að skríða upp kallinn til þess að lemja hann því hún var svo lítil hehe.

Vá hvað þetta er eitthvað langt hjá mér, en það verður að hafa það

Ble ble Bexter

BUSH SIGRAÐI, er ekki í lagi

2004-11-04T13:50:00.000Z

Guð minn góður er ekkert annað fokking grautur í hausnum þessum 52% könum sem kusu George Bush. Á næstu fjórum árum mun eitthvað skelfilegt gerast af völdum Bush. Maður sér það á skiptingu atkvæðanna að Kerry vann fleiri fylki við strendurnar en Bush miklu fleiri sem eru inni í landinu. Það er örugglega fáfræðin sem er að valda þessu, þeir sem búa innst, hafa örugglega aldrei farið út fyrir fylkið sitt og hugsa því aðeins hvað sé að gerast þar en gleyma umheiminum.

Ég var farin að hafa áhyggjur af henni tobbu minni í gær hún tók tap Kerrys mjög nærri sér og ég er ekki frá því að ég sá glampa í augndropa. Hún telur að þriðja heimstyrjöldin blasi við og er brjáluð að öllum sé sama. Ég er sammála henni að mér finnst öllum eða þ.e.a.s flestum vera bara alveg drullu sama. Davíð Oddsson og Halldór Ásgrímsson voru með þeim fyrstu að senda George Bush heillaskeyti, eru þið að fokking grínast !!!!!!!!

Jæja, það er kanski mest lítið sem ég get gert í þessum andskota, nema það fá mér bjór þar þetta eru okkar seinustu og verstu tímar. Því ætla ég að skella mér á Bjórkvöld sem er á vegum NFB, ó já jibbbbýýý, á klúbbnum stórhöfða 17.
ALLIR AÐ MÆTA !!!!

Ég er með einkennilegasta hósta í heimi, það sörlar svoleiðis í lungunum á mér en samt er ég ekkert veik
hóst
hóst
hóst
En vonandi fer þetta að hætta, það er svo ógeðslega pirrandi að vera síhóstandi í tíma, allir að líta við á mann og eitthvað, Hættið horfa á mig þegar ég hóst :(

En er farin
Ble ble

Bexter

jamm jamm

2004-11-03T02:32:00.000Z

Hef aldrei fundið fyrir jafn óþægilegu og að vera með ofnæmispróf á bakinu. Ég var að spá í áðan að rífa þetta drasl af mér. En þetta kostar 6.000kr þannig ég læt það vera. Ég er farin að eyða næstum jafn miklu í lækniskostnað og amma mín. Ég var það sorgleg í dag að ég fór og fékk sjúkra-afsláttarkort vegna þess að ég er búin að eyða svo miklu í lækna á þessu ári. Ég er eins og hinar níræðu kerlingarnar.

Kosningarnar eru í nótt og ætla ég alla vega að fylgjast með byrjuninni. Ég er bara svo hrædd um að þessi heimska þjóð kjósi George Bush, það er náttla ekkert nema grautur í hausnum á þeim

Jæja ég er farin að horfa á sætu strákanna í Chelsea, áfram Eiður

Ble ble
Bexter

Enn ein helgin :)

2004-11-02T00:40:00.000Z

Mín keppti bara í handbolta á laugardaginn, ég hef ekki æft handbolta í sex ár og ég varði 10 bolta + 3víti, þannig ég er bara nokkuð sátt.

Svo var ég eins óíþróttamannsleg og hugsast getur á laugardagskvöldið. Þetta kvöld var ekkert ósvipað og seinasta laugardagskvöld skrítið ! Byrjaði að drekka heima hjá henni Ingu, fór síðan á Celtic cross, þaðan á boomkicker fór síðan með Tobbu, Nadíu, Hrefnu og einhverjum fleirum í party til vinar hans hemma. Ég hef sjaldan verið jafn full, ég var komin heim kl 8:30 og var komin í smáralindina kl 14:30 að kaupa afmælisgjöf vá hvað ég var þunn.

Ég fór í eitthvað ofnæmispróf í morgun,þar sem ég er komin með barnaexem aftur (22ára)hehe Var stungin með 20sinnum og settir einhverjir hnappar á bakið á mér sem ég þarf að vera með í þrjá daga :( Það verður eitthvað óþægilegt að vera með þetta á eftir því haldiði að mín sé ekki að fara keppa aftur í kvöld kl 21

Ég hef aldrei verið með jafn mikinn sársauka af harðsperrum í hægra lærinu og rassvöðvanum ég sver það, gat varla labbað upp stiganna hérna áðan.

Farin að læra þar sem 2ritgerðir, 2próf og verkefni gera sig ekki sjálf.
Ble ble
Bexter

Edrú á föstudegi :-)

2004-10-29T07:01:00.000Z

Hvað er málið með það að fá sér einn bjór og verða þunn. Er búin að vera með hausverk í allan dag, come on einn bjór eru þið grínast?

Í dag er flöskudagur, og hva ég bara ekki með bjór í hönd. Þessi helgi er svo fullpökkuð hjá mér af mismunandi skemmtilegum hlutum. Í kvöld var eg að vinna til kl 23:45 og mæti svo í fyrramálið kl 07:45, mæti þar beint á eftir að keppa í handbolta. Ha? handbolta, já það var hringt í mig og beðið mig um að keppa einn leik. Uuu... ég er ekki neinu sem kallast "að vera í formi" þannig við sjáum til hvernig þetta endar. Eygló litla frænka mín á afmæli á morgun "HRESS" og síðan er stefnan tekin á heljarins djamm um kvöldið líst vel á það :) Ég ætla samt ekki að endurtaka seinasta laugardag þar sem ég kom heim hádegið eftir, jésús einmitt.

Sunnudaginn er ég einmitt að fara í annað barnafmæli hjá Snædísi(dóttur systur minnar) mæti alltaf þunn þangað í afmæli. Mætti seinast þangað ekki þunn hhhhhmmmm...... 1996

Bla bla bla ble
Se ya
Bexter

Jú góðan dag

2004-10-29T03:22:00.000Z

Kaffihúsakvöldið var bara hreinlega frábært. Þetta tókst alveg rosalega vel, og allir voru mjög ánægðir. Auglýsinganefnd á mikið hrós skilið. Tobba og Gunna vöktu mikla lukku, mjög flott hjá þeim svo er bara stefnan tekið á söngkeppnina næsta ár er þaggi ? :)

Hvað er málið með Ogvodafone, það er alltaf einhvað vesen með að vera hjá þeim. Ég er búin að vera hjá landsímanum í 190ár og aldrei hefur verið neitt svona vesen kanski þú veist einu sinni eða tvisvar. Þeir komu upp í skóla um daginn, þá var eitthvað vesen með það sem þeir voru að selja. Þeir báðu að koma aftur og var vesen í gær líka, allt í einu þegar ég var búin að setja inneignina þá var staðan -196.000 og ég gat ekki hringt í 1/2 tíma eða eitthvað, Ogvodafone er drasl.

Fór á fund með ráðgjafa menntamálaráðherra í gær, og er þetta gagnlegasti fundur sem ég hef farið á, vorum að spjalla um samræmdu prófin í framhaldskólum.

Í kvöld eru tónleikar með ekki merkari mönnum en Fræbblunum og Palindrome, aðgangseyrir er ekki nema 300kr, og ættu allir að skella sér í undirheima kl 20:30

ble ble

Bexter

Kaffihúsakvöld í Undirheimum í kvöld

2004-10-27T05:42:00.000Z

Já, hið margfræga kaffihúsakvöld er í kvöld. Tobba og Gunnar hin víðfrægu systkyni koma fram um kl 20:30. Þau ætla alla vega að taka tvö lög. Mér hlakkar geðveikt til að sjá þetta, sá þau að æfa sig í gær og það var geðveikt flott. Á svæðið mætir einnig Tvíðhöfði (Jón Gnarr og Sigurjón Kjartansson). Þegar við vorum í undirheimum í gær þá sáum við það að Sigurjón Kjartans hann er of hávaxinn til þess að standa upp á sviðinu, en það verður bara að koma í ljós í kvöld.

Sæmundur kennari er veikur í dag, og það ætlaði allt um koll að keyra þegar ég sá þetta. Ég er búin að vera biðja um þetta í allan vetur, þó að það sé ljótt en ég er hjá honum á hverjum einasta degi og stundum tvisvar. Eins og í dag þá átti ég að vera í tveimur tímum, GUÐ ER TIL JIBBÝ.

Ef einhver vill skrifa fyrir mig ritgerð sem er á einhvern þátt tengd bandaríkjunum kanski fyrir svona 4-5000kr, þá er það til boða. Það hlítur að vera einhver sem getur ekki annað en glaðst yfir þessum tíðindum, er þaggi ? eða hvað hhmm... þið alla vega sjáið til

Ble ble

Bexter

Af hverju ? Af hverju ?

2004-10-25T04:54:00.000Z

Af hverju í andskotanum get ég ekki verið eins og aðrir og farið heim á venjulegum tíma á djamminu.

Ég get ekki bara djammað, farið á sómasamlega staði og verið komin heim kl 5. Nei, Begga ha? í staðinn skulum við enda á boomkicker enn og aftur, þrítugur spíttfíkill að reyna við mig, sitja uppi með gaur sem vinkona mín ætlaði að vera með en fór með öðrum. Vera svo reikandi niðri í miðbæ reykjavíkur kl 11:30, með þremur öðrum sem reyndust vera allir hommar, og leituðum við að einhverju opnu til að kaupa áfengi.

Já sad sad sad sad, en kemur svo heim kl 12:30 með maskara niður á kinnar, með dúndrandi höfuðverk horfa framan í fjölskylduna sem öll er komin á fætur og eru að byrja daginn. Það er eitthvað sorglegt við þetta í alvöru.

Ég held að ég verði að kenna óskari í fellunum um ástand mitt á laugardagskvöldið þar sem hann dældi í mig tekílastaupum...

En ég komst heim til mín heil á húfi, og var þetta bara ágætasta helgi...

Ble ble

Bexter

Af hverju hatar guð mig ????

2004-10-22T21:01:00.000Z

Í alvöru ég held að honum blessuðum guði sé ílla við mig. Ég hlít að hafa verið versta manneskjan á jörðinni í fyrra lífi miðað við þessa helv.. túrverki. Þetta er ekki eðlilegt að ég þurfi að taka verkjatöflur á þriggja tíma fresti annars dey ég bara.

Í kvöld er Idolpartý og afmælið hans Jóa hér heima hjá mér og ég er svo spennt. Það er eins gott að túrverkirnir verði ekki vondir og skemmi fyrir mér kvöldið.

En ég er farin að kaupa afmælisgjöf, stúdentsgjöf og náttla bjór mmm..... bjór.

Ble ble

Bexter

Miðvikudagur

2004-10-21T02:30:00.000Z

Ég skil ekki hversu langa könnun er hægt að gera. Í sögu í morgun sagði sæmundur kennari að við værum að fara könnun fyrir barnaverndarstofu og einhverja fleiri. Í byrjun hugsaði ég frábært þá losnaði ég við tímann. En viti menn ég var í fokking 70mínótur í könnuninni. Þetta voru margar tugir blaðsíða. Ég komst einnig að því í þessari könnun að ég drekk 11-19 sinnum í mánuði. Er það eðlilegt. Ég veit að Þorbjörg hefði svarað þessu í sama dúr og ég. Við gerðum sömu könnun í fyrra í sitthvoru lagi og skrifuðum við 18 og 19 sinnum. Þetta er vandamál frú stella.

Ég er farin að sakna sunnu minnar alveg gríðarlega. Þar sem hún ákvað að flytja norður yfir heiðar að elta kærastann. Hvað er svo sem hægt að gera á akureyri. EKKERT. Ég myndi örugglega leggjast bara eingöngu í brennivínið og láta lífið fjara út. Nei ég segi svona, en alla vega er akureyri ekki töff. Sunna mín ég held að það sé komin tími til þess að þú flytjir í bæinn.

American next top model er í kvöld og er ég orðin spennt, það er eins gott að mellan og snobbaða beyglan Camille fari heim. Jæja, ég ætla fara og kíkja og gá hvort þessi sjónvarpsdagskrá á skjá einum sé ekki að fara byrja, þar sem ég er mesti skjás eins fíkill dauðans.

Ble ble

Bexter

Hvað gerum við nú

2004-10-20T07:42:00.000Z

Já, breiðholtið er að fara til helvítis. Það er verið að loka Big Ben, þetta er náttla ekki heilbrigt og ekki er hægt að leggja þetta allt á tvær manneskjur. Þetta hefur verið okkar tobbu annað heimili og enduðum við í kvöld í stað Big Ben á Búálfinum í hólagarði. Eru þið að grínast að þetta er fokking subbulegasta búlla í öllum heiminum. Oj oj oj þetta var ógeðslega. Við vorum vanar að fá kveðju á okkur þegar við löbbuðum út af Big Ben bless stelpur gaman að sjá ykkur sjáumst. Nei nú eru þessir dagar upptaldir og ætla ég með einhverjum ráðum að láta opna þennan dásamlega stað aftur..

En ég er farin að leita af öðrum stað........

Ble ble

Bexter

Já halló

2004-10-20T01:45:00.000Z

Jæja, þá er það ákveðið. Ghettoball NFB verður haldið miðvikudaginn 10.nóvember á Gauki á Stöng. Leoncie (indverska prinsessan) verður að syngja frá kl 22 og síðan taka engir annar en Papar við. Þetta verður svakalegt ball, og allir ættu að fíla eitthvað við sitt hæfi er þaggi ?

Undirheimar er ótrúlegur staður. Þegar maður sest þar niður kemst maður ekki upp úr sporunum. Þetta er ógeðslegasti staður sem ég hef komið inn á tja, kanski fyrir utan boomciker.

Ég er strax farin að hlakka til næstu helgar þar sem ég er í fríi og ætla ég mér að kanski fá mér svo sem einn bjór. Eða kanski tvo eða okey kippu af bjór, fjögur skot, þrjú glös af vodka og ég er ekki að svíkja neinn nema sjálfa mig....

Ble ble

Bexter

Kellingin bara farin að blogga

2004-10-17T20:49:00.000Z

Já, á dauðanum átti ég nú frekar von á en þessu. Ég bara farin að blogga.

Helgin var svona upp og ofan. Á föstudaginn var ég í þvílíku djammstuði að blokkir breiðholtsins ætluðu að rifna. En þar sem minn aðal djammfélagi (þ.e.a.s alltaf til í að djamma með mér) Tobba var bara með gubbupest þá var ég edrú á föstudeginum til kl 22:30, þá þoldi ég ekki lengur við og fékk mér um 4 bjóra hér heima. Fór niður í bæ að hitta þá Ása og Hemma. Ási var nú bara búinn á því og að drepast úr þreytu þannig ég var farin í leigubíl heim um 4 leytið, eyddi 4000kr í þessari bæjarferð og uppskar ekkert.

En laugardagurinn var nú miklu skemmtilegri. Þorbjörg mín var orðin hress og Sigrún kom í bæinn frá Akureyri. Við sátum hér heima í góðum gír, til okkar kíktu Hlynur, Geirný og Arndís. Eins og allar helgar endum við niðri í bæ, og þrátt fyrir ítrekaðar tilraunir til að sleppa því þá endum við alltaf á fokking Boomciker til kl 8. Ekkert nema ógðeslegir skítugir og sveittir karlar og ælandi gamalmenni. Já en svona er þetta.

Sunnudagurinn fór nú bara í það að vinna í 8klst og er ég nýkomin heim úr því helvíti, nei nei ég er í fínni vinnu. Hata að þurfa að fara út úr húsi þegar ég er þunn, ég lít út eins og úldinn ávöxtur í framan og anga eins og ég sé búin að vera bruggari í 20ár minnsta kosti.

Jæja, vona að ég muni halda eitthvað áfram að blogga, maður veit aldrei.

ble ble

Bexter